Sch....Wetter

Guck i heut zom Fenschter naus,
was i sieh - des isch a Graus!
Rega - Rega - nomol Rega,
dr Petrus könnt sich au a bessers Wetter überlega.
Doch i denk, der isch halt a alter Ma,
der's Wasser nemme heba ka.
Er sott halt dringend zo ma guata Urologa,
vielleicht isch d'Leitong zuagroschtet oder a bissle verboga!
Hoffentlich ka mr ihm no helfa,
sonscht schlägts bei os vor Wuat bald "Zwölfa"!
Wia schö - wär a bissle Sonnaschei,
der lacht en traurige G'müater nei.
Hoffentlich funktioniert der Draht noch oba
ond mir kennat bald a bessers Wetter loba!