Noch dr Wahl

Gott sei Dank - jetzt isch vorbei,
mit dr "Kandidatastreiterei!"
I hau's nemme höra könna
dui Buhlerei om osre Stemma.
Auszählt isch - rot / grün - knapp g'wonna,
dia deant sich jetzt em Beifall sonna!
De Andre gucket traurig drei,
hot dui Niederlage müaßa sei?
Noch deam "Krimi" strahlt dr Sieger mit de Scheiwerfer om d'Wett
bedankt sich bei de Wähler - höflich ond besonders nett!
I hoff et, daß dia deket:
"Gott sei Dank bleibt älles beim Alta -
langts et daß mer ebbes verspricht -
muaß mer's au no halta?
D' Opposition soll bitte "fair" verliera
ond net jede Reform vo vornarei glei blockiera
Mer sott au et lang noch de Schuldige suacha,
besser da "Wählerwilla" als erledigt verbuacha!
De alt - nui Regierong muaß jetzt beweisa was se ka,
sonscht sen s'nächscht mol doch wieder de
"Andere dra!"