Knecht (Ruprecht) Eichel

Aus Berlin - vo dr Regierong - do komm i her,
i muaß Euch saga - dr Finanzsack isch leer
ond überall uf de Dannaschpitza,
sieht mer Pleitegeier sitza!
Hoch doba aus am Hemmlstor,
guckt mit große Auga dr Wirtschaftswonder-Erhardt vor!

Ond wia i so guck - en meine Schteuertabella,
do fangt mei Händi a zom schella:
"Finanzminischter Eichel - armer Gesell,
ziag di warm a ond beweg de ganz schnell,
d'Leit kaufet ihre Chischtkendla ei,
sonscht wurd für di nex mei übrich sei!

Alte ond Jonge sollet gleichermaßa bluata
ond zahlet se net freiwillig - no zeig en dei Ruata.
Schaffa sollet Älle - vo morgends bis en d'Nacht,
fascht omasonscht - aber bis d'Schwarta kracht.
Wer viel schafft hot - koa Zeit zom Essa
ond s'Drenka ka mer no au vergessa!

Wer vom schaffa miad isch - der goht bald ens Bett,
no braucht mer dia viele Schtroßabeleuchtonga net.
Wer koa Geld hot - braucht au et en Urlaub fahra,
zugleich isch's für d'Omwelt guat, weil mer Schprit ka schpara.
Was braucht's Fuaßvolk - Luxus - Klamotta - an nuia Huat,
Hauptsach - os Regierongsmitglieder goht's guat!"

Aus Berlin - vo der Regierong - do komm i her,
i muaß Euch saga - es weihnachtet sehr!
Jetzt rotet Ihr mir - wia i s'afanga soll,
daß andersch wurd - mei Finanzsack voll......?!?