Zom Geburtstag zwischa 55 ond 60

Wieder mol a Jährle älter,
aber g'wiß koa bißle kälter!
I gratulier Dir, hosch de super guet g'halta,
ohne viel Ersatztoil ond mit mäßig viel Falta.
Je älter Du wurscht, om so schneller rennt d'Zeit
ond irgendwann g'hörsch no zo de "Rentnersleit"!
No muasch de nemme täglich ploga,
s'Geld kommt vo alloa uf s'Konto gfloga.
(Wenigschtens des, was os dr Vatter Schtaat übrich läßt)
Doch - s'Leba genießa - des funktzioniert au jetzet schau,
Du derfsch de bloß nemme so hetza lau!
Viel hosch erlebt em Lauf der Zeit,
s'ka bloß no besser werda - oder wenigschends net
schlechter wia heit!
I wensch Dir Glück ond G'sondheit ganz viel,
schaff no a paar Jährla "gern" bis zom "Rentnerziel!"
Verausgab de net en dr Arbeitnehmerzeit,
daß viel Kraft, Energie ond G'sondheit
für d'Rentnerzeit bleibt!