Worom?

Worom geits so viel Krieg uf der Welt?
Worom hot mr meischtens net gnueg Geld?

Worom isch aus dem Euro "Teuro" worda?
Worom wurds warm em kalta Norda?

Worom nemmt Mord ond Totschlag überhand?
Worom kommet soviel Asylanta en oser Land?

Worom geits so viel Betrügerei?
Worom ka neamer mei z'frieda sei?

Worom tuet mr selber d' Omwelt vergifta?
Worom muaß mr jed's Fältle weglifta?

Worom gilt mr bloß ebbes - wenn mr no jong?
Worom send osre Kender - laut Studie - domm?

Worom will dr Schtaat vo os so viel Geld?
Worom verhongret so viel Leut uf dr Welt?

Worom ka mr nemme Bitte ond Danke saga?
Worom muaß mr dauernd sei Schicksal beklaga?

Geit's koa Patentrezept uf äll dia Froga?
Vielleicht müßt mr sei Hirn a bißle Ploga,
drüber nochdenka - was mr sait ond tuat,
wo s' goht helfa - no wurd manches guet!