Für an Geburtstagsmuffel

Wie goht mr mit oam om - der sein Geburtstag ignoriert?
Ganz oafach - daß mer'm trotzdem gratuliert!
Au bei ma Schtück Bescheidaheit
vergoht dui koschtbar Lebenszeit!

Oder - soll i dean Fada weiterschpenna
ond dean Geburtsagsmuffel "geizig" nenna?
Manch oaner suecht au en dr Flucht sei Glück,
doch - irgendwann - kommt au der zurück!

No feirert mer halt hentadrei,
aber - oa Schtrof - dui muaß ganz oafach sei,
dia G'schenkla fallet bescheidener aus,
vielleicht geit's au bloß an Bloamastrauß!

Nichts desto Trotz - wensch i - "viel Glück"
"G'sondheit ond Wohlschtand" - a ganz groß Schtück!
"Wenig Ärger" - dofür ganz viel "Lacha"!
beim nächschta Geburtstag - do lean mir's aber kracha!