Sonnaschei zom Geburdsdag

Guck naus wia heid dui Sonna lacht,
s' schee Wedder - exdra fir Di gmachd,
wias em Garda greand ond blüad,
d' Vögl sengeds Geburdsdagsliad!

I wensch Dir zo Deim Ehradag:
ganz viel Gsondheid - nia a Glag.
Geduld - wenns nemme gohd wia's sott.
weil - wills ed hüschd - no muaß hald hott!

Daß däglich menschliche Wärme schbürsch.
Du s' Goddverdraua nia verliersch.
Am End vom Tunnl siehsch ganz viel Lichd
ond om Di rom hosch bloß fraindliche Gsichd'!

Weid weg vo Dir send Schdreß ond Schdreid,
Du nemme frogsch: " Was saged d'Leid?"
Schaffa - Schbara - sag fir wen?
Mach Dir s' endlich mol bequem!

I wensch Dir heid a bsonders schees Feschd,
ganz viel Gliggwensch - nedde Gäschd!
En Gedanga Dua i a Gläsle uf Di heba:
em Geburdsdagskend a gligglichs Leba!