Geburtstagsmuffel 2

Mei Kalender lüegt net - also isch es wohr,
wieder jährt sich des "Geburtstagsmuffeljohr"!
I hau Ihn gfrogt, was er gern hätt,
moant der - er fänd es furchtbar nett,
wenn mer sein gröschta Wunsch respektiert
ond Ihm em höchsta Fall gratuliert!

I be a Schwob, des kommt mir grad recht,
mei Geldbeutel bleibt zua - s'isch au et schlecht!
I brauch koan Sprit om dort na zu fahra,
ka meim Gsicht s'große Make up erspara.
Mueß et zom Frisör - schon meine guete Klamotta,
die bleibet em Schrank als Fueter für d'Motta.

So ganz hau i seim Wunsch et entsprocha
ond mit a bißle Müah dia Vers verbrocha.
Sonscht geits nex - wer et will - hot g'het,
spar mir älles Weitere - ätschagäbele - schau z'spät!
Wensch "Dir" älles Guete - ka Di saumäßig guet leida
ond "mir" no viele "so" sparsame Zeita!