Faulenzer uf Schtaatskoschta

Neulich lauf i en an frühera Bekannta nei,
der schafft nex - läßt da Herrgott an guata Ma sei.
I hau en gfrogt, seit wann er so chrischtlich isch,
weil er sich ernähra läßt vom schtaatlicha Tisch.
Moant der, er häb no nia an Gott glaubt
ond selber schaffa hält er als verschtaubt.
Mit dr Bibl häb er absolut nex am Huat,
wia i do druf käm - er mi froga duat.
"Du lebsch doch noch ma Schpruch aus am Neua Teschtament,
glaubsch fescht dra, daß des Wort für Wort schtemmt!"
(Matthäus 6 Vers 26)
"Sehet die Vöglein unter dem Himmel,
sie säen nicht, sie ernten nicht
und der himmlische Vater ernährt sie doch!"
Beleidigt isch er weitergschlicha -
i hab ihn - aus meim Bekanntakreis gschtricha!