D' Vorfreid

D' Vorfreid

(aus de Häglwerther Säsoneddl)


Um d' Weihnachtszeid gähds o, wenn mir a boor
Arztbraxn, de an mir wirtschaftlich hengan,
an so an winziggloan Kalender schengan:
Ah, do schau her: So werds, des näxde Johr ...

Rein kalendarisch häds demnoch sogor
an Sommer! - Und Erinnerungen drengan
ins Hirn, voreilige Gedanken gengan
dohi, wo i vialeicht in'n Urlaub fohr …

Und mäxters ja ned glaam: de Zeid vergähd!
Im Juni schäwerd 's Dellefon und d' Inge
häd gern von mir Bescheid gwußt, wenn es ginge -
sonst werds fiern Bundesbahnrabatt zu schbäd.

"Mei", sog i ihr jäds Johr, "du woaßt ja äh:
Wenn i derwei no leb, fohr i zum Sä."