Mei Glick mid der dobbedn Schdaatsbirgerschafd

Mei Glick mid der dobbedn Schdaatsbirgerschafd

(A Nochdrog zum driddn Okdober)


I bin a Deitscher; in meim Ausweis schdähds.
A Banknunterschdützungsschdeierschbender
für unsere Berliner Gäidverschwender.
Wos i von Deitschland hoit? - Zum Deife gähds!

Gredt werd a Englisch-Kauderwäisch, a bläds.
Im Radio heast aa auf jädm Sender
bloß Englisch, weil mir sann von olle Lender
des aminochmachgeilste: Stjupidhäds.

Iatz hammer zwanzg Johr Deitsche Einheid. Und?
Siegd irgendwer zum Feiern do an Grund?
Im Westn schreins: "Ihr kosts uns Gäid wia Hei!"
Im Ostn schreins: "Kapitalistnsei!
Von wegen Freiheit! Vorher warmer freier!"

Zum Glick bin i ned Deitscher bloß, aa Bayer.