Dichderdrio - ersatzweis

Koa Dichderlaum gibds heier und koan Sä.
A Zimmer wart umsunst im Sonnenheim.
Reis, Fleisch und Fisch grod gnua wern iwerbleim
In Soizburg am mongolischen Biffäh ...

Nix werds mim Urlaub heier. Des duad wäh.
Im Roischdui is des Säsoneddlschreim
Ned zimpfdig, es huift häxtens Zeid verdreim.
Geduid brauchds, songs mer, bis i wieder gäh.

Ersatzweis - wenn i scho ned dort sei ko -
Schaug i mir unsre oidn Foddos o.
Es hod scho wos auf sich mid unserm Drio:
Rägd oans des ander doch, i eich, ihr mi o!
Gedicht' und Buidl sann scho ois Idä
Entschdanden in der Laum. Und erschd am Sä...!