Biergartnbedrachdungen

Biergartnbedrachdungen

(aus de Häglwerther Säsoneddl)


Kasdanienbaam ghean umbedingd dazua,
a Ohbazder mid Brod, a feiner Rade,
a Bier nadierlich, Sommer und a schdaade
Umgebung, wei zur Brozzeid brauchd's a Ruah.

Wos aber findt ma? Breißn, Gschroa grod gnua,
a dirre Aushäifskäinerin, a fade,
aus Megglenburg-Vorbommern ummergwahde,
und Wepsen! Kurz: vo Gmiatlichkeid koa Schbua!

Vor zwanzg, dreißg Johr, do hob i mi no gfreid
im Merz, daß's ogähd boid, d' Biergartnzeid -
genau wia im Sebdember dann aufd Wiesn.

Heid konnst mer gschdoin bleim mid dem Zeig, dem deiern.
Es gibd koa Gmiatlichkeid mehr, bloß no Riesen-
"Iwänz" und Nepperei. Quo vadis, Bayern?!