Vom Himmesdierl

Vom Himmesdierl

(aus de Häglwerther Säsoneddl)


Der Kafka Franz hod a Parawe gschriem
vom lebdoglanga Warten: Irgendwer
hockt äwig vor am Dierl, durch des bloß er
häd kenna - aber er is sitzen bliem.

Erinnerd mi - vialeicht is's iwerdriem -
ans Gleichnis vom Kamäi und Nodlähr.
Inn Himme kemma, des is ungefähr
wia durch des Dierl so schwierig und inddiem.

Drum schdäi mir i fier mi des Himmesdor
ois äher kloa, verschdeckt und schmucklos vor:
ned leicht zum finden, ned leicht zum erreicha:
a schdeile Schdiang muaßt naufschdeing wia inn Schbeicher …

Wos dees iatz oiß zum doa hod midm Sä? -
I moa, des Dierl is ganz in seiner Näh ...