Der Boch

Der Boch

(aus de Häglwerther Säsoneddl)


Glosklar schiaßder daher und eisigkoid.
Er hod a Bett aus Schdoa, er kennd koa Kissn.
Säibst durchn Fäis hod er se durchebissn
im Lauf vo dausnd Johr mid seiner Gwoid.

Und wiarer iwermiaddig owerfoid
vum Berg! Hod eahm der Wind wos einegschmissn,
Zweig, Äst und Bladl, dees werd weidergrissn
bergo bis nei inn Sä durch Schluchd und Woid.

Er is a wuider, koider Gsäi, der Boch!
Er rauschd und reißd und reiwerd - und danoch?
Danoch fliaßder inn Sä nei, der schdatt wuid
ganz schdaad is und'n aufnimmd voi Geduid.

So kannt's aa, schdäi mer i zumindest fier,
Der oder Dem geh an der Himmesdier ...