Grantlerische Weihnachtsgedanken

Es ziagt schbeziell zur Weihnachdszeit
der Filosof Bilanz,
gähd zu sich säim schdatt zu de Leit
dann kwasi auf Distanz:


"Bist wieder oa Johr äiter worn ...
Aa gscheider? - Gor koa Red!
Host wieder a poor Hoor verlorn -
dazuaglernt aber ned.


Wos hod im letztn Johr si do?
Es war, wia ollerwei,
a Auf und Nieder, aber no:
's hätt kenna schlimmer sei.


Und freilich scheener aa, dees gwiß.
Doch konn ja, insofern
des oide nix Gscheids gwesen is,
des neie Johr epps wern ...


Hoit! Auweh, Freinderl! Hob di scho!
Wos war denn dees grod eem?
Ja, hoffst du Depp denn immer no???
Laß 's Lehrgäid zruck dir gem!"