A Schbinnerei

A Schbinnerei

(aus de Häglwerther Säsoneddl)


De Leid hamms olle heid so sackrisch eilig,
de junga bsonders: oiwei muaß wos geh,
grod kracha muaß's und schewern im Pezeh!
Kompjuddaschbuin - dees waar für mi langweilig.

I aber deng in Vuim ja gegndeilig;
drum kennan mi vui Leid aa ned verschdeh,
de junga bsonders. I find Nixdoa schee,
Wäidoschaung. Und mei Ruah, dee is mir heilig.

Wenn i so auf meim Bangerl sitz am Sä,
der Woid rauschd und durchd Baama schbitzd a Räh,
dann sieg und hea i Sachan zum Erschdauna ...

D' Leid daadn song, des is a Schbinnerei.
Und doch: diam sieg i bis inn Himme nei
und hea an Herrgod mid de Engerl rauna ...