De drei Biergartnverschwörer

Heid bin i im Biergartn gsessn,
do sieg i am Disch hint im Eck,
vom Rest vo de Leid z'weiderschd weg,
drei Maner beim Lewerkasessn.

Den oan wer' i nia ned vergessn:
weil i schau grod hi - und derschreck
fast z'Doud: schaugd doch der - ja, vareck! -
mi zruck o ois woit er mi fressn!

So gifdig schaun ko bloß a Breiß.
I schrei: "Zenze, bring no a Weiß'!"
De andern warn Vadder und Bua ...

Und dees laßt mir seitdem koa Ruah:
Drei Menschnfeindd, ganz ohne Zweife -
am Endd Herrgod, Grisdus und Deife?!