Doleranzgrenzn

Doleranzgrenzn

(aus de Häglwerther Säsoneddl)


Wia olle Bayern bin i dolerant.
I hob no nia - aa ned noch drei, vier Massn -
mi zu am Rassenhaß hireißn lassn.
Bloß Breißn: dee sann diam so benedrant,

daß mir mei Doleranz fast ausgeh kannt.
Mei, gegan Wannsä daad hoid der verblassn,
hea i im Geh oan song, und daß de Gassn
vom Wedding er doch no vui scheener fandt.

Do kimmds dann scho vor, daß i hoiblaud knirsch:
"Na bleib hoid glei bei dir dahoam, du Hirsch -
midsamt deim Wei und Gschmaaz! Mei Sä und i,
mir kemman ganz gwieß aus aa ohne di!"

"Nu ja, dat Kloster war janz intressant -
obwohl ..." - Diam bin i ungern dolerant.