D' Hoffnung

D' Hoffnung


(Quasi a An-dwand-hängsel zu de
Häglwerther Säsoneddl
und zugleich
a gloans Vergeltsgott an'd Karin)



Ma hoffd, solang ma lebd - des säi is gwieß.
Rennd aa der sachlich-niachderne Verschdand
sei Leem lang immer wieder geng a Wand.
Vialeicht ja rennd er in de Wand an Rieß...?

Warum der Mensch so unbelehrbar is
und hoffd und hoffd? A Fensterl is eahm Pfand,
durch des er's seng ko, sei "gelobtes Land",
a ganz a gloaner Blick ins Paradies.

Und schdähd eahm diam aa 's Wasser bis zum Hois,
schrein Donner, Bliz und Hagel: "Iatz dersauf!"
Er hod an Reddungsring - i jädnfois:

i mach in mir des Fensterladl auf,
sieg auße aufn Häglwerther Sä -
und woaß, daß i aa deen Schdurm iwerschdäh.