Am Winterschläfer sei Andword

"Wia konnst denn du do schlaffa, sog amoi,
wenn grod de ganze Wäid schier exblodierd!?
Der Ruß kimmd, der Islam terrorisierd,
de Griechen watschen d' Merkel bei der Woi:

grod schewern duads und gracha iweroi!
In Deitschland sann de Brauna aufmarschierd
und gfrein se, weil Pegida demonschdrierd.
Und des Scheiß-Titip kimmd auf jädn Foi!"

"Ja und? Konn epper i dageng wos macha?
Es gibd hoid Deppen, de sann ned ganz bacha,
Fanaddicker wäidweid, de wern ned gscheider,

und Schlaukepf, wiefe Gschäftemacher, leider,
de koa Moral hamm und dafier guad lacha.
Des is nix Neis. Do schlaf i liawer weider."