Der Papst, des muaß a Bayer sei!

Der Papst, des muaß a Bayer sei!

(Ein Wallfahrerinnenlied)



Sie, hamm'S dees gseng?!! Oa Kardinal
is gar a Neger gwesen!
Und sowas steht ois Papst zur Wahl!
Ja sammer mir Chinesen?!!

So lang wia i kaddolisch bin,
laß so an schwarzen Bruader
ois bayrische Wallfahrerin
i nia in Rom ans Ruader!

Der Papst, des ko koa Schwarzer sei,
koa Gelber und koa Schiacher!
Der Papst, des muaß a Bayer sei,
sonst tritt i aus der Kircha!

Mir hamm uns eh jetz so vui Jahr
an Polen bieten lassen!
A Bayer freilich, war uns klar,
der tät vui besser passen!

Weil der Papst - sammer ehrlich, Leit! -,
der hat doch nix mehr zrissen!
Den Ladn hat eh in letzter Zeit
der Ratzinger scho gschmissen!

Der Papst, des ko koa Schwarzer sei,
koa Gelber und koa Schiacher!
Der Papst, des muaß a Bayer sei,
sonst tritt i aus der Kircha!

Der Ratzinger, des is mei Mo:
des is net so a Neier!
Der schaugt auf Zucht und Ordnung no!
Na ja: is hoid a Bayer!

A Schwarzer aber taugt für mi
ja net amoi zum Pforrer!
Ois Papst?!! Wo kammer denn da hi?!!
Nach Sodom und Camorra!

Der Papst, des ko koa Schwarzer sei,
koa Gelber und koa Schiacher!
Der Papst, des muaß a Bayer sei,
sonst tritt i aus der Kircha!

Wo dee doch so vui Kinder hamm
da drunt, die Negersklaven!
Der hätt da glei was g'ändert am
Abtreibungsparagraphen!!

Der Ratzinger berat's no gscheit,
die Schwangern! Bei dem stimmt's no!
Und der macht aa koa Weiberleit
zum Pforrer! So weit kimmt's no!

Der Papst, des ko koa Schwarzer sei,
koa Gelber und koa Schiacher!
Der Papst, des muaß a Bayer sei,
sonst tritt i aus der Kircha!

Mir hamm eahm glei a Kartn gschickt,
mir, die Wallfahrerinnen:
"Hochwürdigster Papst Benedikt,
bleib bayrisch treu bei Sinnen!

Dein Herz bleib wie Dein Haar so weiß!"
Denn weiß is ohne Zweife
auch unser Herrgott; schwarz und greis-
lich aber is der Deife!

Der Papst, des ko koa Schwarzer sei,
koa Gelber und koa Schiacher!
Der Papst, des muaß a Bayer sei,
sonst tritt i aus der Kircha!