Vo Reng, Sä und Windbeitl

Vo Reng, Sä und Windbeitl

(aus de Häglwerther Säsoneddl 2010)


Nadierlich is's, wia iweroi, bei Reng
und Käitn aa am Sä ned ganz so schee.
Badschnos mäxt aa durchs Paradies ned geh.
Deng dro: der Reng is fier d' Naddua a Seng,

und grantl ned: konnst eh nix doa dageng.
Des Besde draus zum macha muaßt versteh,
dann is des schlechterst Weder aa okeh:
A Filosof is ollem iwerleng.

Schau d' Karin o: de sitzt se unbeirrd
vom Reng ganz einfach nei zum Glosterwirt,
wo's an Windbeitl bschdäid, so riesngroß,
daß's mehr davo ned backt ois d' Häiftn bloß.

Sogor d' Brigitte sogt: "Dees is mer zvui!" -
ois Breißin! - wos dann scho wos hoaßn wui.