Der Durchanand drinnerhoi

Der Durchanand drinnerhoi

(aus de Häglwerther Säsoneddl)


In d' Säi vum Menschn mächerd i amoi
an Blick doa. Do drauf waar i wirklich gschbannd!
I glaab, do fandst an sauwern Durchanand!
Wei einfach is de Säi auf gor koan Foi.

Wia Wurzln in unobsähbarer Zoi
im Bodn se verschlingan, daßd imstand
ned bist, herauszumfindn vorderhand,
wos woher kimmd, muaß's ausschaung drinnerhoi:

Oa laffan hi, de andern laffan her.
Drum foid ja a Endscheidung oft so schwer.
Diam konn i säim in mir den Wirrwarr gschbanna!

Und wenn so komblizierd scho bei uns Manner
de Säi is: wia erschd bei de Weiwerleid!?
Do woaß bis heid koa Psicholog Bescheid.