Auf gähds!

Auf gähds!

(aus de Häglwerther Säsoneddl)


Greizdeife! So a Sauschdoi! Is doch wohr!
Wia konn i denn den Zeddl bloß verliern,
de Nummer zwengs am Zimmerreserviern!?
Zefix! Oiwei de Suacherei jäds Johr!

Und iatz? Wos muaß'n mid oiß? Hamm drei Boor
Schdrimpf glangd letzds Moi? Schuah? Wermer vui marschiern?
Wia werdn 's Weder? Ohne Schirm riskiern?
O mei! Jäds Johr der Schdreß bevor i fohr...!

Konn in oam Johr a Drumm a so verschdaum?!
Do schdimmd doch irgendwos ned mid dem Koffer!
Wia werds'n ausschaun, unser Dichterlaum?
Ja, gibdses iwerhauptz no? Woimers hoffa!
Und erschd der Sä...? Ja freilich gibds den no!

Iatz nimm dein Koffer! Häxte Eisenbo!