Ins Paradies

Ins Paradies

(aus de Häglwerther Säsoneddl)


Vui z'kurz is hoid der Urlaub oiwei, leider.
Bevor er ogäht jädsmoi, woaßt scho gwieß,
daß boid er aa scho wieder umme is,
und denkst: Waar do ned glei 's Dahoambleim gscheider?

De Andern fohrn vui lenger weg und weider,
fliang schdundnlang. I aber sog: Vergieß
de weide Wäid! I fohr ins Paradies!
Und is mei Urlaub aa bloß kurz: mi gfreider.

Jeds Johr senkt fier oan Omd se dann a Daum
vom Himme nieder auf de Dichterlaum
vom Sonnenheim, wo mir beinandersitzn
und unsre Aung mim Wein umd Weddn blitzn.

Und no wos Wichdigs is ganz in der Näh
vom Sonnenheim: der Häglwerther Sä.