Weihnachdn am Sä

Weihnachdn am Sä

(a Konsegwenz aus meine Häglwerther Säsoneddl)


Wos is iatz dees? Oiß puderzuckerweiß:
de Berg, de Baam, de Fäider: voller Schnä!
Ja, aber - saxndi! - wo is der Sä?!
De grouße gladde Flächn? Is des Eis?

Zuagfrorn! Doddal! Des is iatz ganz wos Neis.
So how'en aa no nia gseng. I verschdäh
bloß ned, wos owerdanzt do aus der Häh.
Ja wos is dees? Ja sieg i weiße Meis?!

Schdatt Krah fliang iwerm Sä a Haufa Engerl:
so gloane, blonde, danzn Rigalreih
um irgendwos, des außerblitzt a wengerl
aus eahnam Gwurl. Ja is des …? Konn des sei …?

Gäh, oider Depp! Ois ob's zu dir no kaam,
's Kristkindl! Dees war dengerschd scho a Draam.