Sävergleich

Sävergleich

(aus de Häglwerther Säsoneddl)


Er is hoid a Turisdnaddrackzion,
der Kiemsä, do konn er ja nix dafier.
Dees hoaßd: von eahm aus gseng liegds hoid an mir,
daß i an so an Zirkus mi ned gwohn.

Wo so vui Leid sann, hob i nix verlohn.
Do is's mer z'laud, do schmeckd mer ned moi 's Bier.
Kurzum: fürn Kiemsä dauscherd i gor nia
den mein ei - aa ned um a Million.

Es hengd aa mid der Gräß zamm, zweifelos:
Der Kiemsä is mir schlichd und einfach z'groß -
und aufzaamd wia a Zirkusgaul! Mir kimmd
säibst fier, ois waar sogor sei Wasser härter ...

I bin a säitner Gsäi und leidschei? - Schdimmd!
Und drum is mei Sä hoid der Häglwerther.