Aufd Insel umme!

Aufd Insel umme!

(aus de Häglwerther Säsoneddl)


Oi zwanzg Minuddn gengan Iwerfahrtn
und olle woins aufd Insel, umbedingd.
Französisch, englisch, iddalienisch klingd
des Gschmaaz am Schoiter fier de Schiffsfahrkartn.

Am schwaarstn dean se Breißn mim Derwartn:
Grod daß der Detlef ned ins Wasser schbringd,
bevor des Schiff kimmd, des'n ummebringd.
Ois waar drent 's Paradies, der Himmesgartn!

Mir foid der oide Fahrmo Kaaron ei:
Ob's auf seim Landeschdeeg genauso schdengan,
de Doudn, und ins Jenseits ummedrengan?

No, ganz so wurlerd werd's bei eahm ned sei.
I kannt mer vorschdäin, manche Doudn hättn
fiers Leem gern, so wia mia, Reddurbillettn.