A Kiemsä-Ausflug

A Kiemsä-Ausflug

(aus de Häglwerther Säsoneddl)


Ann Kiemsä heid a Ausflug? Aa ned schlechd -
soferndst an Parkbloz findst! Mei, gähds do zua!
Buss karrn Turisdn o in oaner Tua,
von dene jäder auf a Insel mächd.

Brauchst no an Huad? Wei d' Sonna schdichd scho rechd!
Huadlädn an der Anlegschdäi gibds gnua.
Noch seine Äiddern blärrd a kloaner Bua
und ausm Wasser schdeigd a flotter Hechd.

Nix häd der Kiemsä ned an "Fann" zum bietn:
A Dredbood oder Seglbood konnst mietn,
drin schwimma konnst, di iwersetzn lassn
mim Schiff - a jäds ko kaam sei Leidfrachd fassn -
auf d' Herrn- und Fraueninsel ... Schee und guad -

doch gega mein Sä oiß a oider Huad.